Фитнес

3те НАЈГОЛЕМИ митови за протеините!

Напишано од Пјер

Постојат толку многу митови за кои луѓето толку силно се врзуваат  и ги прифаќаат како факти, иако за нив можеби има многу малку или воопшто научни истражувања кои можат да ги поткрепат тие информации. Околу протеинот кружат многу митови, повеќе од било која друга тема поврзана со исхраната, веројатно затоа што протеините имаат голема улога во секој начин на исхрана која се фокусира на градење на мускулна маса. Еве ги трите најпопуларни митови кои веројатно сте ги слушнале претходно, на кои не треба да верувате.

МИТ БРОЈ 1 –  ТЕЛОТО МОЖЕ ДА АПСОРБИРА САМО “X” ГРАМА ПРОТЕИН НА ОБРОК

Кога се мисли на апсорбција, се мисли на тоа кога одредена количина на одредена супстанца која стига го циркулацијата од дигестивниот тракт. Телото ќе апсорбира добра количина од порцијата на протеин која ја конзумирате, независно од големината на истата во оброкот кој го јадете. Всушност, ако не апсорбирате одредена количина или го “надминете” лимитот, треба секој пат да имате дијареа. Човечкото тело екстремно добро апсорбира нутриенти, и протеинот не е исклучок. Во повеќето случаеви,  ќе го апсорбирате секој грам на протеин што го конзумирате. Она што луѓето навистина сакаат да прашаат е – “Која е дозата на протеин која максимизира анаболички одговор ?” Е тоа е добро прашање!

Иако нема конкретен одговор која е максималната доза на протеин од која се има бенефит по оброк, постојат некои истражувања кои можат да бидат од помош. Амино киселината ЛЕУЦИН е одговорна за започнување на процесот на анаболички одговор и протеинските извори се покажале дека го започнуваат тој процес зависно од количината на леуцин која ја содржат. Се покажало дека конзумирањето на 0.04 грама леуцин по килограм телесна тежина по оброк би било оптимално. Така што, за некој што има од прилика 100 килограми, би требало да конзумира околу 4 грама леуцин по оброк.

За извор на протеин со висока содржина на леуцин како што е Whey (околу 12% леуцин), потребно е 30-35 грама whey да се максимизира анаболичен процес. За извор на протеин како што е казеинот, кој има помала содржина на леуцин (8 проценти), би требало да конзумирате околу 50 грама протеин. Moжеби би требало и помалце, но сме сигурно дека со оваа количина ќе се максимизира анаболичкиот одговор по оброк. Затоа подобро обрнете внимание на содржината на леуцин на изворите на протеин

jajca

МИТ БРОЈ 2 – НЕ ГИ БРОЈТЕ НЕКОМПЛЕТНИТЕ ИЗВОРИ НА ПРОТЕИН ВО ЦЕЛОКУПНИОТ ПРОТЕИНСКИ ВНЕС

За некомплетен протеински извор се смета изворот кој не содржи една или повеќе амино киселини. Овој мит постои од некои истражувања кои велат дека кога одредени амино киселини фалат во начинот на исхрана, синтезата на протеините може да биде намалена. Ова не би било проблем за просечниот спортист, затоа што таквата состојба би се појавила во случај кога тој или таа би конзумирале одредена храна дефицитарна во одредени амино киселини со денови, а не од оброк до оброк. Додатно, повеќето вежбачи конзумираат комплетен протеински извор со речиси секој оброк затоа што протеините со животниско потекло го содржат комплетниот спектар  на амино киселини.

Иако некој би конзумирал некомплетен извор на протеин во оброк, не постои теоретска шанса дека протеинската синтеза ќе се намали, додека се конзумираат останатите оброци со комплетни извори на протеин. Затоа, и некомплетните извори на протеин треба да се пресметуваат во целокупниот внес на протеини, затоа што го конзумирираат целосниот спектар на амино киселини преку храната што ја конзумираат.

МИТ БРОЈ 3 – ВИСОКО ПРОТЕИНСКИТЕ РЕЖИМИ НА ИСХРАНА СЕ ШТЕТНИ ЗА БУБРЕЗИТЕ

Голем број на медицински стручњаци имаат теорија дека високо протеинските храни може да биде штетна за бубрезите, затоа што високо протеински начин на исхрана го зголемува производството на амоњак, кој мора да биде исфрлен од бубрезите преку уреата. Како резултат на тоа, многу често се препорачуваат диети кои се со ниска содржина на протеини за луѓе кои имаат бубрежни заболувања. Како и да е, фактот дека високо протеинските диети се штетни за бубрезите кај здрава индивидуа е голем мит.

Истражувачите кои неоддамна ги собраа и разгледаа научните достапни истражувања на оваа тема заклучија дека “не постојат значителни докази дека високиот протеински внес има негативен ефект на бубрезите кај здрави индивидуи”. Додатно, истражување во кое спортисти внесувале 2,8 грама протеин на килограм телесна тежина наспроти професионални спортисти кои внесувале умерен внес на протеин докажало дека нема значителна разлика во функционирањето на бубрезите кај двете групи. Според ова, можеме да заклучиме дека високиот протиенски внес НЕМА негативен ефект на бубрезите.

MarioFit

За авторот

Пјер