Фитнес

4 ефикасни стратегии за забрзување на метаболизмот

Напишано од Пјер

Знаете колку им е полесен животот на оние кои имаат брз метаболизам? Можат да одржуваат одлична форма без да се оптеретуваат со броење калории и да прават сложени стратегии за тренинг. За разлика од нив, ние останатите имаме равенки за решавање ако сакаме да останеме фит, но среќната околност е што постојат стратегии за забрзување на метаболизмот кои можат драстично да нѝ олеснат.

Пред да преминеме на главното, да разгледаме накратко што е всушност метаболизмот за да знаеме кои фактори поврзани со него можеме да ги контролираме а кои не.

Што е метаболизам?

Метаболизмот, т.е. неговата брзина се однесува на бројот на калории кои ги трошите во фаза на неактивност – кога седите, лежите, спиете. Овие калории организмот ги троши за основните функции како што се циркулација на крв и кислород, и распоредување на внесените нутриенти низ телото. Метаболизмот може да учествува во согорувањето на околу 70% од калориите што ги внесувате во текот на денот. Колку е побрз, толку повеќе калории согорува, што значи дека можете да јадете повеќе и да ја одржувате вашата тежина во нормала. Затоа, логичниот заклучок е дека секогаш треба да целите кон забрзување на метаболизмот.

стратегии за забрзување на метаболизмот

Сепак, постојат неколку фактори кои влијаат на вашиот метаболизам, а вие не можете да влијаете на нив. Тоа се возраста, телесната градба и генетиката.

Како што поминуваат годините метаболизмот драстично се успорува. На телото му се потребни помалку калории за да ја задржи истата тежина во споредба со секоја претходна година. Како резултат на тоа полесно доаѓа до зголемување на телесната тежина ако не ги модифицирате вашите навики поврзани со исхраната и вежбањето.

Интересно:  Распоредете ги јагленохидратите правилно за оптимален прогрес и резултати!

Вашата телесна градба, независно од мускулната маса, е фактор кој исто така има големо влијание на метаболизмот без ваша контрола. Колку е поголемо вашето тело, толку е поверојатно метаболизмот да е побрз, бидејќи на телото му е потребно да потроши повеќе калории за основните функции.

И секако, генетиката има влијание на сè, па и на вашиот метаболизам, што прави разлика во степенот до кој останатите фактори ќе влијаат на него.

Како можете да влијаете на забрзување на метаболизмот?

За среќа, мускулната маса има големо влијание на брзината на вашиот метаболизам, а вие можете директно да влијаете на неа преку исхрана и вежбање. Затоа и стратегиите за забрзување на метаболизмот се засноваат на овие два аспекти.

1. Редовно вежбајте со тежини

Науката покажува дека по 6 месеци редовни тренинзи со тежини резултира со општо забрзување на метаболизмот до 7 проценти. Но, во периодот од 2 часа по активен тренинг метаболизмот се забрзува до 12 проценти, а во следните 15 часа тој е до 9 проценти побрз споредено со периодот пред тренингот. За да ги максимизирате бенефитите од вежбите со тежини, трудете се да ги опфаќате скелетните мускули со секој тренинг, со вежби кои опфаќаат сложени движења во неколку серии со 8-12, па дури и 12-20 повторувања.

вежби за забрзување на метаболизмот

2. Практикувајте вежби со висок интензитет

Начинот на кој што вежбате исто така влијае на степенот до кој ќе постигнете забрзување на метаболизмот. Колку е поинтензивен вашиот тренинг, толку повеќе кислород троши вашето тело за да ги надокнади супстратите кои се потрошиле за време на вежбањето. Потрошувачката на кислород ја зголемува и потрошувачката на енергија (калории) во следните 24 до 48 часа, што влијае на брзината на метаболизмот многу долго по завршување на тренингот.

Интересно:  Летна форма – како да ја задржите мускулната маса во фазата на дефиниција

тренинг за забрзување на метаболизмот

 

3. Внесувајте доволно протеини

Количината на протеини која ја внесувате во текот на денот директно поттикнува опоравување и раст на мускулатурата. За да го засилите овој ефект, не треба да се фокусирате само на количината на протеини што ги внесувате, туку и на тоа колку често му давате протеини на телото во текот на денот. Не заборавајте – процентот на мускулна маса влијае на метаболизмот, така што ако сакате да го забрзате, изворите на протеини треба да бидат вашиот прв избор во секој оброк. Генерално, 25-35 грама високо квалитетен протеин по оброк е идеалната количина кон која треба да целите.

забрзување на метаболизмот со протеини

 

4. Заборавете на долгите диети

Неодамна расчистивме дека треба да целите кон тоа да се храните чисто наместо да го измачувате телото со временски ограничени диети. Сепак, кога сакате драстично да го исчистите телото од масти треба да се водите според посебен режим на исхрана некое време. Но, ако претерате во ова можете да постигнете обратен ефект. Вашето тело ќе почне да ги складира изворите на енергија, што резултира со успорување на метаболизмот за да троши помалку калории во денот. Затоа, за секоја недела што ќе ја поминете под строг режим на исхрана дајте си една недела со нормална, чиста исхрана.

MarioFit

За авторот

Пјер

Остави коментар