Кариера

6 грешки во облекувањето поради кои ќе изгледате непрофесионално на работа

Напишано од Нино

Прочитајте и научете што треба да избегнувате ако сакате да ги импресионирате сите на работа!

Можеби мислите дека никој не обрнува внимание на тоа како се облекувате на своето работно место, но бидете сигурни дека тоа не е така. Иако секој од нас има личен стил, кога станува збор за работното опкружување, постојат работи кои не се примерни.

Не знаете за што зборуваме? Неколку важни имиња на моќни компании од модната индустрија, го открија своето мислење за тоа кои стилови и парчиња облека се сметаат за непрофесионални, а ние од нивните одговори составивме листа од 6 најголеми грешки.

Грешка број 1

„Старомодното облекување е најголемиот моден злочин кој можете да го напрвите на работното место. Облекувањето во склад со времето во кое живеете е еден од облиците за добри манири“.

Грешка број 2

„Премногу шминка, прекусо здолниште, покажување на премногу кожа и неможност да се движите во превисоките потпетици“.

Грешка број 3

„Тексасот…. Било што од тексасот оставете го за слободното време“

Грешка број 4

„Облекувањето на премногу брендирана гардероба е апсолутно непожелно, што особено важи за интервјуата за работа или првите денови на истата работа. Морате да направите вашата рбаота и труд да бидат во центарот на вниманието, не вашиот скапоцен аутфит“.

Грешка број 5

„Доколку не изгледате чисто, негувано и примерно за својата позиција. Понекогаш нешто нема добро да го искомбинирате или да го носите како што сте замислиле, но вашата облека и додатоците мораат да бидат секогаш чисти и уредни“.

Грешка број 6

„Несогласување на стајлингот со компанијата во која се пријавувате за работа, е една од најголемите грешки кои можете да ги направите. Униформите се одамна заборавена работа во повеќето компании, освен во банките. Обидете се да не изгледате како модна жртва, туку како некој кој сака да го следи трендот“.

Denar.mk

За авторот

Нино

Нино е алфа и омега за техничкиот дел, неговата работа е одржувањето на моторот кој го движи Friday. Кога не работи на Friday обично дизајнира сајтови во Why Not Communications, прописно навлечен на сите серии кои вклучуваат магии и змејови обожава кафе и музика. Доколку нешто не функционира на Friday како би требало или вашиот банер доцни со поставување тој е човекот кој би требало да го обвините :)