Uncategorized Бизнис совети

Да научиме нешто и од успешните жени

Напишано од Нино

О да, постои начин да ја засакате својата работа! Со овие трикови на успешните жени полесно ќе ги преживеете работните денови…

Претварајте се дека штотуку сте се вработиле

Во првите месеци од новата работа логично е да сте најмногу мотиврани. Едвај чекате да научите многу нови нешта и да запознаете интересни луѓе. Дури и ако повеќе години работите во иста компанија, секогаш постои некоја област во која можете да напредувате и која можете да ја подобрите. Ете ви прилика повторно да се чувствувате како да сте на почетокот на кариерата.

Гардеробата која ја избирате за работа треба да ги воодушеви вашите колеги

Кога се чувствувате совршено во своја кожа, тоа ќе го забележите и во вашето опкружување. Беспрекорниот изглед, дури и доколку морате да носите деловна униформа е она што ќе влијае на вашето расположение и на вашата самодоверба

Засакајте ги своите колеги

Потрудете се да ги запознаете и засакате своите колеги. Кога знаете дека во канцеларија ве чекаат лица кои ќе ви измамат насмевка и позитивно ќе влијаат на вас, заминувањето на работа ќе ви стане вистинско уживање.

Барајте јасно објаснување во врска со задачите кои ги обавувате

Стресот кој го предизвикува работата е главно последица на тоа што не сте сигурни што би требало да работите на тоа работно место. Создадете добра комуникација со надредените и барајте да ви објаснат кои се вашите задачи, со цел да не го загубите драгоценото време обидувајќи се да го откриете тоа сами.

Потрудете се работата да не стане вашиот живот

Иако е тешко да се исклучите по напорниот ден на работа, најдете занимација или хоби со кое ќе се занимавате по обврските и задачите од работа. На овој начин нема да бидете изложени на стрес и ќе имате причина повеќе да му се радувате на крајот на работното време.

 Denar.mk

За авторот

Нино

Нино е алфа и омега за техничкиот дел, неговата работа е одржувањето на моторот кој го движи Friday. Кога не работи на Friday обично дизајнира сајтови во Why Not Communications, прописно навлечен на сите серии кои вклучуваат магии и змејови обожава кафе и музика. Доколку нешто не функционира на Friday како би требало или вашиот банер доцни со поставување тој е човекот кој би требало да го обвините :)