Uncategorized Серии

Дискавери сè почесто снима на Балканот

Напишано од Нино

На 14 ноември во 20 часот премиерно ќе се прикажува епизодата на серијалот „Преживување во двојка“ која е снимена на Велебит, Хрватска. Овој популарен серијал за преживување, става на тест двајца експерти од таа област, во сценарија кои реално може да му се случат на секој кој се упатува во некаква авантура на отворено.

Како локација се избираат различни терени низ светот, на кои заедничка работа им е идеалната природа, која ако доволно не ја познаваме може да се претвори во опасно окружување.

Екипата на серијалот на Велебит ги испрати Џош Џејмс и поранешниот припадник на Зелените Беретки, Грејди Пауел. Сценариото е несреќа на рафтинг, а Џош и Грејди имаат на располагање нож, јаже и оштетен рафт со кој ќе се обидат да дојдат до првото населено место.

И во епизодата снимена на Велебит, цел е да се покаже дека и на најнемилосрдните терени со вистински вештини и креативно размислување може да се одржи секој во живот. Основните правила на преживување се да најдат засолниште, вода, храна и помош.

Колку гостопримлив бил Велебит откријте  во понеделник во 20 часот на Дискавери.

За авторот

Нино

Нино е алфа и омега за техничкиот дел, неговата работа е одржувањето на моторот кој го движи Friday. Кога не работи на Friday обично дизајнира сајтови во Why Not Communications, прописно навлечен на сите серии кои вклучуваат магии и змејови обожава кафе и музика. Доколку нешто не функционира на Friday како би требало или вашиот банер доцни со поставување тој е човекот кој би требало да го обвините :)