Водич за готвење

Фит исхрана: 5 идеи за брз појадок

Напишано од Пјер

Овесната каша и јајцата се одличен избор за појадок кој ќе го поттикне вашиот метаболизам и ќе ви даде сила за претстојниот ден. Тие содржат протеини и здрави јаглехидрати – токму тоа што ви треба за почеток на денот, но после некое време ќе ви станат здодевни и ќе сакате да направите промена. За да го избегнете ризикот таа промена да биде алтернатива што ќе го наруши вашиот план за исхрана, ви давам 5 идеи за брз појадок полн со нутриенти кои ви се најпотребни.

1. Збогатен овесен појадок

За почеток одиме со рецептот кој ќе ви биде најверојатно најлесен за подготовка бидејќи е збогатена верзија на овесната каша што веќе сте ја усовршиле. Измешајте пола чаша овес со пола чаша млеко или млеко од бадеми, или уште подобро – со протеински шејк. Додајте бобинки, јаткасто овошје, путер од јаткасто овошје, семки од тиква или лен, суво грозје, кокос и цимет. Освен тоа што е многу здрав и вкусен, овој брз појадок можете да го подготвите уште од вечерта.

брз појадок - овес

2. Мафини од јајца

Овој брз појадок е одличен заради можноста да го менувате лесно неговиот вкус со секоја следна подготовка. Исецкајте ситно малку од вашиот омилен зеленчук и измешајте го со 3 цели јајца и 10 белки. Премачкајте ја тавата за мафини со кокосово масло и наполнете ја со подготвената смеса. Печете 20 минути на највисока температура и имате готов вкусен, протеински појадок!

брз појадок - мафини од јајца

3. Протеински врап

Следниот пат кога ќе правите омлет ставете го во интегрален врап со авокадо исецкано на тенки ливчиња, мисиркино месо, и зеленчук по избор. Ако сакате да го замените омлетот со друг извор на протеини, можете да ставите парчиња стек, а ако сакате да го намалите внесот на јаглехидрати, наместо во интегрален врап, состојките завиткајте ги во ливчиња кељ. Која верзија и да ја изберете, овој појадок ќе ви даде енергија за денот што ве очекува.

брз појадок - протеински врап

4. Здрава мешавина

Овој брз појадок никогаш нема да ви здосади затоа што можете да го подготвувате во најразлични верзии. За основа можете да користите 3 вида храна: ладна киноа, интегрален ориз или пекарски компир. Што и да изберете за основа, додадете авокадо, шери домати, кељ или спанаќ, и друг зеленчук по избор. Збогатете со парчиња пилешки стек, црн грав или тврдо варени јајца. За дресинг можете да користите мешавина од доматно пире, босилек, маслиново масло, цеден портокал и малку сол.

брз појадок

5. Вафли со павлака и овошје

Овој рецепт е алтернатива на протеинските палачинки. Бидејќи ќе ви треба малку време да ги подготвите вафлите, можете тоа да го сторите од вечерта. Измешајте 2 чаши млеко со ниска масленост со 2 лажици сок од свежо цеден лимон. Додајте пола чаша овес и оставете да отстои 15 минути. Во меѓувреме во друга чинија измешајте ⅔ чаша пченично брашно, ⅔ чаша сенаменско брашно, ¼ чаша пченични снегулки, 1,5 лажичка прашак за пециво, ½ лажичка сода бикарбона, ¼ лажичка сол и 1 лажичка цимет. Откако ќе поминат 15 минути, во мешавината од млеко, лимон и овес додајте 2 изматени јајца, ¼ чаша кафеав шеќер и 2 лажички екстракт од ванила. Потоа измешајте ги сите состојки заедно додека не се соединат. Ова е вашето тесто за вафли. Печете ги на кокосово масло 4-5 минути, додека не потемнат и станат крцкави. 2 вакви вафли содржат околу 30 грама јаглехидрати, 3 грама шеќер и 3 грама растителни влакна. Премачкајте ги со мешавина од нискомаслена павлака и пола дозерка од вашиот омилен whey протеин и одозгора наредете свежи малини, капини, брусница или јагоди.

брз појадок - вафли

МариоФит

За авторот

Пјер