Фитнес Храна

Колку се важни растителните влакна во исхраната?

Напишано од Пјер

Ако до сега не сте ги сметале растителните влакна за важен дел од исхраната, сте се лишиле од многу позитивни својства што можат да ви помогнат во остварувањето на фитнес целите и во подобрување на општото здравје.

Растителните влакна се делат во 2 основни групи – растворливи во вода и нерастворливи. Растворливите растителни влакна имаат многу позитивни својства како намалување на холестеролот во крвта и артериите, заштита од срцеви заболувања и удари, како и намалување на апетитот. Нерастворливите растителни влакна се исто така здрави заради нивното својство да апсорбираат вода со што го помагаат процесот на празнење на цревата.

Растворливите растителни влакна ги има во бананите, јаболките, морковите, компирите, овесот, а нерастворливите во житарки, во повеќето јатки и семиња, и во мешункастите плодови.

Иако се здрави, со растителните влакна не треба да претерувате бидејќи можат да предизвикаат екстремна стимулација на цревата и грчеви во стомакот. Се препорачува постепено зголемување на нивниот внес до количина помеѓу 10 и 13 грама на 1000 калории.

растителните влакна во храната 3

Предностите на растителните влакна во исхраната

Една од најголемите предности на исхраната богата со растителни влакна е тоа што помага во намалувањето на телесни масти. Нивната молекуларна структура ги врзува штетните молекули и ги спречува да му наштетат на телото. На тој начин го спречува и таложењето на вишок масти од храната.

Растителните влакна исто така го успоруваат варењето на протеините, што резултира со нивна подобра апсорпција и поефикасно искористување во телото, а со тоа и подобар мускулен раст и опоравување после тренинг.

Тие се исто така одлични за регулирање на апетитот бидејќи даваат чувство на ситост подолго време. Помагаат и во производството на микрофлора со што го олеснуваат варењето на храната.

Растителните влакна ја зголемуваат сензитивноста на инсулин – хормонот којшто овозможува апсорпција на протеините и јаглехидратите во мускулите. Високите нивоа на инсулин го зголемуваат мускулниот раст.

Научните истражувања исто така покажуваат дека исхраната богата со растителни влакна помага во спречувањето на појава на различни видови на канцери и ги намалува шансите за кардиоваскуларни заболувања.

Заради сите овие својства на растителните влакна треба да ги вклучите во вашата исхрана. Но, бидете внимателни при купувањето на храна која е означена како „богата со растителни влакна“ бидејќи понекогаш производителите ги додаваат за да ја прикријат содржината на масти. Секогаш проверувајте ги нутритивните вредности на етикетите ако сакате да внимавате на исхраната.

Марио Фит

За авторот

Пјер