Кариера

Неработници или работохолици – Кои се поопасни?

Напишано од Нино

Рабoтохолиците се поштетни за компанијата отколку вработените кои изостануваат од работа, тврдат француските аналитичари.

Аналитичарите тоа го објаснуваат со фактот што скриените трошоци поради претераното присуство на работа, кое доведува до повреда на работа и психичка нестабилност, се далеку поголеми отколку во случаите на отсуство.

„Болеста“ на современиот живот, зависноста од работа која обично се поврзуваше со Јапонците, се прошири и на европскиот континент особено во време на последната финансиска криза која започна во 2008 година, кога вработените поради страв од загуба на работата остануваат и повеќе од 12 часа на работа, пишува весникот Фигаро.

Францускиот аналтичар Матје Поаро, основач на консултантската куќа Мидори Консалтинг, наведува дека во 2014 година во Франција 4,53 проценти од вработените отсуствувале од работа, додека стапката на оние кои прекувремено работеле е далеку поголема, и изнесува меѓу 6,34 и 9 проценти.

Овој француски експерт за квалитетот на животот на работа проценува дека скриените трошоци поради претераното седење на работа, кое доведува до повреда на работа и психичка нестабилност, Франција годишно ја чинат меѓу 14 и 25 милијарди евра, додека трошоците за отсуство од работа ја чинат во просек околу девет милијарди евра.

Во Шпанија повеќе од 12 проценти од популацијата страдаат од работохоличарство, а осум проценти од вработените работат повеќе од 12 часа дневно.

Секој седми вработен во Швајцарија страда од депресија поради заморот на работа, пренесува Фигаро.

Denar.mk

За авторот

Нино

Нино е алфа и омега за техничкиот дел, неговата работа е одржувањето на моторот кој го движи Friday. Кога не работи на Friday обично дизајнира сајтови во Why Not Communications, прописно навлечен на сите серии кои вклучуваат магии и змејови обожава кафе и музика. Доколку нешто не функционира на Friday како би требало или вашиот банер доцни со поставување тој е човекот кој би требало да го обвините :)