Луксуз

Omega 1957 ТРИЛОГИЈА – Духот на ’57 ја пресретнува технологијата на 21 век

Напишано од martin

Во 1957 година, Омега ги претстави трите часовници што набргу станаа апсолутни класици. Seamaster 300, Railmaster и Speedmaster. Во 2017г. Омега им оддава почит на овие три ремек дела со тоа што за 60 годишнината од нивното прво претставување повторно ги реиздаде но овојпат како Трилогија.

Speedmaster – Лимитирана колекција 38,6 mm “Broad Arrow” не бил само првиот Speedmaster туку и првиот рачен хронограф часовник во светот со тахиметарска скала на прстенот, а не на дисплејот како што било практика дотогаш. Speedmaster  часовникот од 2017 година со својот дизајн останува доследен на неговиот претходник од  1957 година. Придвижуван е од механизам Calibre 1861.

Railmaster – Лимитирана колекција 38 mm Railmaster во 1957 беше дизајниран за оние кои што работат близу до електрични полиња; а новиот модел го задржува стариот неперетнциозен стил, неговиот Master Chronometer 8806 механизам го носи демагнетизирањето на сосема ново ниво со отпорност на магнетни полиња до 15000 gauss.

Seamaster 300 – Лимитирана колекција 39 mm По примерот на CK2913, овој нов Seamaster 300 е опремен со прстен од црн алуминиум и со Naiad знак на круната, којшто во далечната 1957-ма важеше за знак за беспрекорна  водоотпорност. Придвижуван е од Master Chronometer 8806 механизам. Секој часовник е лимитиран со количина од 3557 примероци и е спакуван во презентациска кутија чиј дизајн е инспириран од оригиналното пакување. На капачето е изгравиран знак на морско коњче. Кутијата исто така содржи 2 резервни ремчиња; кожа и Nato како и алат за нивно менување.

СПЕЦИЈАЛЕН ТRILOGY СЕТ За ентузијастите кои што не се задоволуваат со поседување само на еден часовник, Омега креираше специјален TRILOGY сет од трите часовници со лимитирана бројка од само 557 примероци. Кутијата е од специјално изгравирано  Швајцарско дабово дрво, сите три часовници се гравирани во идентични бројки од лимитираната едиција. Кутијата исто така содржи и кожно пакување за 6 резервни ремчиња ( три кожни / три NATO )  како и дрвен алат за менување на истите.

За авторот

martin