Фитнес

5 начини како да го намалите мускулниот замор!

Напишано од Пјер

Силното воспаление не секогаш е индикатор за мускулен раст. Во оваа статија нема да ја дискутираме причината за воспалението на мускулите; но една работа е сигурна – силното воспаление некогаш е многу непријатно!

Благ мускулен замор е во ред, но хронично воспаление може да ве одвлече од тренирањето интензивно како што вие сакате.

Подолу се наведени 5 лесни, практични методи кои може да ги практикувате дома кои ќе ви помогнат со опуштање на мускулите. Тие исто така помагаат со подобра крвна циркулација, перформанси и целосна релаксација. Целта е да ги направите дел од вашата секојдневна рутина. Може да ги правите дневно или неколку пати неделно, но осигурајте се дека сте редовни во тоа.

 

  1. ЛЕСЕН ТРЕНИНГ СО ОТПОР

Можеби звучи контрадикторно, но краток тренинг со отпор може да помогне на многу начини. Денот после интензивниот тренинг, непотребните материи остануваат во мускулите заедно со направената штета на мускулните влакна, се додека истовремено мускулите чекаат на опоравок и раст. Тренинг со лесни тежини ќе помогне со крвната циркулација овие непотребни материи да бидат исфрлени.

Ова не се смета како комплетен тренинг, туку едноставно активност која ќе го исфрли непотребното и ќе направи простор за потребните процеси. Исто така ќе помогне за подобар  и комплетен опоравок на телото стимулирајќи го истовремено метаболизмот.

Пробајте го ова: кратка, но сеопфатна тренинг сесија дома ќе ви биде доволно. Исто така, може да изведувате и краток тренинг во теретаната во денот кога одмарате и правите само кардио. Ако одлучите дома да го правите тоа, неколку серии склекови, чучњеви со телесна тежина ќе ви помогнат. Целата поента е да ги наполните мускулите со крв, да бидат активни и да избегнете мускулен отказ. Не сакате повторно да ги оштетувате мускулните влакна. На почеток ќе биде чудно и непријатно, но како што ќе поминуваат неделите, ќе ги забележите бенефитите.

Bodyweight-Squat

 

2. МАСАЖА

Добро би било еднаш неделно секој од нас да може да посети маса на целото тело. За жал, не секој може да си го дозволи тоа. Но, не можеме да ги заборавиме бенефитите од масажите. Тие помагаат за подобар проток на крв низ мускулите, го забрзува опоравокот и потенцијално го намалува хроничниот замор. Но, што да правите ако не можете да живеете како филмска ѕвезда ?

Пробајте го ова: “Foal rolers”, топчиња ортопедски и долгнавести стапчиња од сунѓер се прилично достапни по цена и се доста практични. “Тркалањето” врз овие ортопедски помагала на заморените мускули долготрајно помага за пооптимален опоравок.

 

Phil-Massage

 

3. ТОПЛА БАЊА

Топла бања е навистина релаксирачки, но има и многу други бенефити. Во случајот со заморот, топлите бањи помагаат за подобар проток на крв во мускулите и целосна релаксација на телото.

Пробајте го ова: Одберете 2 денови во неделата, пожелно е да бидат раздвоени со неколку денови помеѓу каде што ќе седите 10-15 минути во топла вода. Исто како и со масажите, потребни се неколку недели за да го почувствувате бенефитот од ваквиот третман за опоравок.

 

4. ЛЕСНО ИСТЕГНУВАЊЕ

Лесното истегнување е совршениот партнер за тренирањето со мал отпор. Изведувајте ги вежбите со мал отпор со цел да ја “филтрирате” крвта од непотребните материи и да ги загреете пред да дојдете до делот со истегнувањето. Загревањето и истегнувањето не само што ќе помогне за побрз опоравок и намален замор, толку ќе помогне и за подобра флексибилност околу зглобовите и ќе помогне за намалување на повреда во иднина.

Интересно:  ФитФизиотерапија: Во кој случај може да добиете повреда на хамстринзите (задната ложа) и што да направите во моментот ?

Пробајте го ова: После загревањето, изведете кратко но сеопфатно истегнување кои ќе се фокусираат не само на тоа што е тренирано денот претходно, туку и на околните делови. На пример, истегнувањето на квадрицепсите, задната ложа и листовите после тренинг нозе е одлично, но би било добро да се фокусирате и на глутеусот, долниот дел на грбот и други делови на колковите за подобра мобилност.

doms

5. КОНЗУМИРАЊЕ НА ТЕЧНОСТИ

Ова веројатно е најпотценетиот аспект на опоравувањето. Добрата хидратација е веројатно гледано како бенефит за оние кои сакаат добри перформанси. Сте слушнале и дека и мала дехидратација може да влијае на нивоата на сила  и опоравок помеѓу серии.

Како и да е, добрата хидратација е исто така важна и за опоравок после тренинг и за намалување на заморот. Знаеме дека крвниот проток  е клучот за исфрлање на непотребните материи од мускулните клетки, а конзумирањето на течности има директно влијание на ова. Колку повеќе вода е конзумирано, толку на телото му е полесно да ги извршува овие процеси.

Пробајте го ова: Знаеме дека важно е да се конзумира вода повеќе до денот на тренингот и самиот ден, но обрнете внимание и деновите после тоа. Конзумирањето на поголеми количини на вода и во деновите кога не тренирате, односно одмарате е исто така важно.

За авторот

Пјер

1 Коментар